Sasi guztien azpitik
Bergarako gaiak jorratuko ditu eta txapako asanbladako irratsaioa izango da .
LARRAMENDIKO PLANTA
Sasi Guztien Azpitik irratsaioan, Bergarako San Juan auzoko Larramendi Industriagunean eraikitzea nahi duten paper hondakinak tratatzeko plantaren inguruan solastu gara.
Alde batetik, perraustegi honen inguruko informazioa hedabideen aldetik nola jaso dugun azaldu dugu era kronologikoan.
Bestalde, Larramendiko Arnasa plataformako kideak izan ditugu Txapako estudioan euren iritziak partekatu eta azken hilabeteetako berriak partekatu dizkigute.
Podcast: Play in new window | Download
ETXEHUTS
Etxebizitzaren gaia ardatz, Txapa irratia kalera ostiral honetan
Eguna: martxoak 11, ostirala
Ordua: 19:00
Tokia: Kartzela Zaharra
Zuzeneko irratsaio bat egingo dugu Txapa Irratian Bergarako Kartzela Zaharrean. Irratia estudiotik kalera ateratzeko ohitura berreskuratuz, herritarrek irratsaioa zuzenean entzun eta ikusteko aukera izango duzue Kartzela Zaharreko areto nagusian 19:00etik aurrera.
‘Sasi guztien azpitik’, herriko gai ezberdinak kolektiboki jorratzeko sortutako irratsaioa da eta kasu honetan Martxanterak talde feministarekin elkarlanean egiteko gonbodapenari eutsiz sortutako ekimena da.
Oraingoan Etxehuts izenpean, etxebizitza eta alokairuaren arazoak izango ditugu hizpide. Bergarako udaleko ordezkaria, Stop Deshaucios, alokairuaren inguruko testigantzak, eta Donostialdeko okupazio bulegoko kideen ahotsak izango dira entzungai, amaieran galderak edota denon arteko solasaldia egiteko aukera izango dugu.
Podcast: Play in new window | Download
Sasi guztien azpitik: ZTB 2021 jardunaldiak
Kolektiboki egiten dugun irratsaio honetan herriko gaiak jorratzen ditugu eta gaurkoan bergarako hainbat eragilek udalarekin elkarlanean antolatutako Zientzia, Teknologia eta Berrikuntza jardunaldien errepasoa egin dugu.
Podcast: Play in new window | Download
