Kategoria: Albisteak
Txapa Irratiren inguruko albisteak, antolatutako ekintzak, deialdiak eta abar…
Bergarako alkategaiekin mahai-ingurua Txapa Irratian Maiatzak 12 (asteartea) 22:00etan #txapeskundeak15
Martitzenean, Maiatzak 12, 22:00ean Bergarako Udal Hauteskundetako alkategaiekin mahai-ingurua zuzenean eskainiko dugu Txapa Irratian 97.20FM eta streaming bidez txapairratia.org webgunean.
Apirilak 19 – Parias helduentzako txotxongilo emanaldia
Txaparen 30. urteurrenarekin aurrera goaz. Apirilaren 19an, igandea, helduentzako txotxongilo-ikuskizun berezia izango dugu. Ikusleak kontzientziatuko ditu Javier Aranda zaragoztarrak pieza txiki eta hunkigarrien bidez.
Arratsaldeko 19:30ean izango da, Bergarako gaztetxean, 4€ko sarrerarekin.
Martxoaren 7an Arrosa Sarearen IV. jardunaldiak
Datorren martxoaren 7an, Arrosa Irrati Sarekook irratigintzari buruzko jardunaldiak antolatu ditugu, Bilboko Kafe Antzokian. Laugarren aldia da jardunaldiak antolatzen ditugula, gogoeta egin eta elkarlanean aurrera egiteko asmoekin.
Jardunaldi hauetan, batetik, alor teknikoari begiratu izan diogu, izan irrati hasi berriek dituzten beharrei erantzuteko, izan bide luzeagoa duten irratien zalantzak argitzeko. Bestetik, baina, informazioaren, hizkuntzaren, sarearen beraren, eta sektorearen inguruan gogoeta egiteko ere erabili izan ditugu urteroko bilera hauek. Gogoeta hauetatik etorri zen, esaterako, Arrosa Sarea berritzeko asmoa, eta Zebrabidea magazinea Sarearen ardura izateko erabakia.
TXAPA IRRATIAK 30 URTE:AZAROAK 30 AITOR ESCOBAR
Azaroak 30ean Txapa irratian 30 urteak ospatzen jarraitzeko kontzertu berezi bat izango dou,Aitor Eskobarren Origen flamenko ikuskizuna. Aitor Eskobarrekin batera,Perkusioan El raton,Palmetan La cuki,Ahotsa Angel Lopez eta Koroak Rafael Hernandez egongo dira taula gainean.
Sarrerak aurrez 3 Eurotan salgai,Bergaran Pol Pol eta candem town-en eta Arrasaten Lazkano Musikal-en eta Equs tabernan.
Fiachras-ekin batera egin dugu 30. urtemugaren abestia
“Uhinetan egun eta gauez,
uhinetan Txapa Irratia!”
Nola ospatu irrati baten urteurrena abesti batekin ez bada? Eta ze bidelagun hoberik horretarako Fiachras taldea baino?
Hemendik eskerrak Fiachras-i,Iñigo Cabezafuego Teknikariari eta parte-hartu duten musikari guztiei!
Podcast: Play in new window | Download
TXAPA IRRATIAK 30 URTE: AZAROAK 15 TXAPA JAIA
Azaroak 15ean Txapa irratian 30 urteak ospatzeko Txapa jaia egingo dou Bergarako gaztetxian.Goizeko 12:00etan Gaztetxetik abiatuta Poteoa egongo da txaranga batez lagunduta.14:30etan bazkaria eta balkal ostean The Potes taldian kontzertua.
TXAPA IRRATIAK 30 URTE:FLY SHIT + ESTRICALLA
Txapa irratiak 30 urte bete ditu. 262800 ordu. 15768000 minutu. Erraz zenbatzen dira, baina bada marka. 1984 hartan Bergaran komunikazioa beste era batean ulertzen zuen gazte talde bat bildu zenetik asko aldatu dira gauzak, asko aldatu gara gu geu ere. Baina nolabait hasi baginen, hori kalea hartzen, uhinak okupatzen izan zen. 30 urte hauetan kontakizun askoren ahotsa izan gara, orain gurea errepasatu eta ospatzeko garaia heldu da. Urtemuga ganoraz ospatzeko, ikasturte osoan izango baditugu ere ekintzak, udazkenean fokalizatu ditugu gehienak.
Azaroaren 1ean Fly shit eta Estricalla taldeen kontzertua izango dugu Bergarako gaztetxean gabeko 22:30etatik aurrera.
30 urte uhinak astintzen
30 urte. 262800 ordu. 15768000 minutu. Erraz zenbatzen dira, baina bada marka. 1984 hartan Bergaran komunikazioa beste era batean ulertzen zuen gazte talde bat bildu zenetik asko aldatu dira gauzak, asko aldatu gara gu geu ere. Baina nolabait hasi baginen, hori kalea hartzen, uhinak okupatzen izan zen. 30 urte hauetan kontakizun askoren ahotsa izan gara, orain gurea errepasatu eta ospatzeko garaia heldu da.